كل شي في حياتنا مضحك
وبدل مانموت بالغم
منموت واحنا بنضحك
ضرب القفا
واحساس بالدف
ودموع مع اريفه
والعدل اللي انكفا
وتقولي ابكي
انا لازم أضحك
مفيش رغيف
والقوت ضعيف
وجيبي النضيف
تعظيم سلام
لسيدي النظيف
وتقولي ابكي
دانالازم اضحك
بيقولو انتا حر
اسكت تمر
والصمت مر
وعشان تعيش
لازم تكون
حمار تجر
سمعا وطاعة
تاخد مناعة
عاوز تفرفص
تلبس بتاعة
وكلة مناعة
وتقولي أبكي
دانا لازم اضحك
مايه ملوثة
وحكومة مكوشة
وبيوت متنكسة
وانتخابات متلبشه
وناس وعشقه الوسوسه
في السجن ناس وكويسة
وعالبر ناس متنجسة
وعلي القلوب ومتربسه
والشعب ساكت
ضارب حبوب الهلوسة
والدنيا عندة كويسة
وتقولي ابكي
أنا لازم اضحك
وبدل مانموت بالبكا
مانموت بضحكه كويسة
ابراهيم
هناك 16 تعليقًا:
صراحة أنا لم استطع ان أضحك
الكلام يدعو للنواح للبكاء
وان كانت كلمة اضحك موجودة بكثرة
انا انتظر الفرحة
وهى يوم تعود لأمتنا كرامتها وعزتها
ويوم يعرف الإنسان انه انسان ما
يصح أبدا
يتهان
حتى لو لم ارى هذا اليوم
يكفينى انى عشت له وبه
كلامك قوى بس انا مش هضحك
انا هستنى اليوم اللى يفرحنى واستنى فيه اضحك
شعر رائع وربنا يتقبل
احنا ممكن نضحك بس علي خيبه الشعب الصامت بتاع حبوب الهلوسه
فعلا لازم نضحك بدل مانموت من الغم
لان البكاء مش هايصلح ولا هايعدل حاجه
بالعكس ..هايجيب احباط اكتر
يبقى لازم نضحك ..ورغم ان الضحك هايكون موجوع بس برضه هايعطى امل وهانقدر نواصل
تحياتى لك
والشعب ساكت
ضارب حبوب الهلوسة
والدنيا عندة كويسة
وتقولي ابكي
أنا لازم اضحك
وبدل مانموت بالبكا
مانموت بضحكه كويسة
--------------------------------
حلو اوى دة يا ابراهيم عارف ,,,
سعات فى كلام بيلمسنا وسعات فى كلام بنمر بية مرور الكرام كلماتك لمستنى تحياتى
لازم نضحك طبعا والا هنطق مينفعش منضحكش كلماتك جميلة اوي هم يضحك وهم يبكي
احنا هنضحك وهنتفائل طول ماحنا مؤمنين بان رب العباد هيفرجها وهيفك الكرب
تسلم ايديك ياابراهيم
تقبل مرورنا
تحياتنا لك
قديما قالوا:
"شر البلية ما يضحك"
و هو ده حالنا الوقتي
لكن كلامك ترك مرارة و أسي في قلبي
ولم أقدر علي الضحك
كلام مؤثر جدا جدا
موفق ان شاء الله
مدونتكم رائعة تستحق الزيارة
جزاكم الله خيرا
هههههههههههه
انا بضحك اهوه يابراهيم
لا بجد رائع
شر البلية مايضحك
أظن أن شعور الألم عندما يستفحل
يصبح الإنسان غير متأثر بجرعات الألم الزائدة
فيصبح بكاؤه ضحكا
وكأنه لا يحس بسياط الألم
فقد تعود عليها
قالوا " شر البلية ما يضحك "
كلمات جميلة جسدت واقعنا المؤلم
ولكن حتى لو ضحكت الشفاه فالقلب يدمى من الحزن ..
تحياتي
said
مش عارف اقول اه بس
لازم نشتغل علشان نجيب النور
ضاقت و احكمت حلقتها وكنت اطنها لا تفرجوا
علي ماذا نضحك
علي نساء ترمل
ام علي اطفال تيتم
ام علي شيوخ تقتل
ام علي اعراض تنتهك
ام علي مصحف يدنس
ام علي رسول يسب
ام علي امه مغلوبه علي امرها بسبب بعدها عن الحق
اننا نضحك علي سفاهتنا و تفاهتنا و قلة مرؤتنا
بس علي العموم شكرا لك علي الابيات و مدونتك ممتازة
قضيها ضحــــك يــا جـــــدع
اضحك حتى تبكى العيون من المقل
واوعى حــــــــد يـــــخدعك
وتبــــــكى مبـــــاشرة دما
لحسن تـــروح عيـــونك يا جدع
مـــن غـير فائدة...وبـــلا ثمن
سعيد بتواجدى فى مدونتك
اه والله هنضحك بس على خبيتنا
جزاك الله خيرا
فعلا الشعب ساكت وضارب حبوب هلوسة
والله عندك حق
وحتي من غير حبوب هلوسة
معدتش فارقة
تحياتي
اضحك وماله اضحك ماانا مش لاقى اكل اضحك وماله اضحك ماانا مش لاقى شغل اضحك وماله اضحك ماانا مش لاقى سكن اضخك وماله اضحك ماانا شيف جمى ماسك
بعد بوه ناوى اضحك اضحك انا مت خلاص من الضحك
aaahhmd
إرسال تعليق